Regluverk þjóðkirkjunnar
Kirkjujarðasamkomulag 1997 og síðari viðaukar
Viðbótarsamningur íslenska ríkisins og þjóðkirkjunnar 6. september 2019
Samkomulag um prestssetur og afhendingu þeirra til þjóðkirkjunnar 2006 og samkomulag um úrvinnslu og yfirfærslu á tilteknum eignum 2019
Stjórnskipulag og innri samþykktir
I. Skipurit og stjórn Þjóðkirkjunnar
Ályktun kirkjuþings 2023 - 2024 um skipurit Þjóðkirkjunnar og stjórn 8. mars 2024
Ályktun aukakirkjuþings 2021 um stjórnskipan kirkjustjórnarinnar - féll brott 8. mars 2024
II. Samþykktir um innri málefni Þjóðkirkjunnar
Ákvarðanir kjaranefndar þjóðkirkjunnar og kjarasamningar
I. Kjarasamningar sem Þjóðkirkjan (kjaranefnd) er aðili að
Kjarasamningur Prestafélags Íslands og Kjaranefndar Þjóðkirkjunnar 1. maí 2024 til 31. mars 2028
II. Launa- og þóknanaákvarðanir
Ákvörðun kjaranefndar Þjóðkirkjunnar um laun forseta kirkjuþings og þingftr., stjórnar Þjóðkirkjunnar og nefnda 1. janúar 2025
Ákvörðun kjaranefndar Þjóðkirkjunnar um laun biskups Íslands 1. júlí 2024
Ákvörðun kjaranefndar Þjóðkirkjunnar um laun biskupa 1. nóvember 2022
Ákvörðun kjaranefndar Þjóðkirkjunnar um laun biskupa 1. september 2021
Úrskurðir úrskurðarnefndar þjóðkirkjunnar
Describe the item and include any relevant details. Click to edit the text.
Skipulagsskrár
I. Sjóðir
Kynningar-fræðslu- og útgáfusjóður kirkjunnar 1. mars 2000 og breyting á skipulagsskránni 4. desember 2023
Líknar- og viðlagasjóður kirkjunnar 1. mars 2000
Styrktarsjóður vegna kyrrðardaga á vegum íslensku þjóðkirkjunnar 1999
Minningarsjóður Hönnu og Harald Hope 4. desember 2003
Verndarsjóður Skálholtsdómkirkju 11. ágúst 2016
II. Stofnanir
Hjálparstarf kirkjunnar Skipulagsskrá fyrir sótt á vef stofnunarinnar https://www.hjalparstarfkirkjunnar.is/
Kirkjuhúsið - Skálholtsútgáfan 31. júlí 1990
Kirkjumiðstöð Austurlands 10. júní 1985
Holt í Önundarfirði - Friðarsetur, sjálfseignarstofnun 7. mars 2003
Siðareglur
Siðareglur vígðra þjóna og annars starfsfólks þjóðkirkjunnar,
sem samþykktar voru á kirkjuþingi 2009,
sbr. breytingar á kirkjuþingum 2013 og 2018.
Inngangur
■[Siðareglur þessar ná til vígðra þjóna íslensku þjóðkirkjunnar og starfsfólks í launuðum sem ólaunuðum störfum innan sókna og stofnana kirkjunnar auk annarra kjörinna fulltrúa og þeirra er valin hafa verið til trúnaðarstarfa. Þær eru ætlaðar til stuðnings og leiðbeiningar í þjónustu við Guð og menn.]1)
□Grundvallarregla mannlegra samskipta er gullna reglan: „Allt sem þér viljið, að aðrir menn geri yður, það skuluð þér og þeim gera.” (Matt. 7,12).
□Starfsfólk og vígðir þjónar kirkjunnar hafa þá reglu umfram allt að leiðarljósi.
1) Kirkjuþing 2018, 16. mál.
Reglur
■Starfsfólk og vígðir þjónar kirkjunnar eru fulltrúar kirkju sinnar og gæta þess í starfi og einkalífi að hafa virðingu hennar í heiðri og leitast við að bera fagnaðarerindi Krists vitni í orði og verki með því að:
1. Gera sér far um að mæta hverjum einstaklingi í kærleika Krists með virðingu eftir því sem skilningur og samviska bjóða hverju sinni og láta sér annt um líðan og velferð annarra.
2. Gæta vandvirkni, samviskusemi og heiðarleika í starfi og að orð og athæfi samrýmist starfi og umhverfi, stað og stund.
3. Virða þagnarskyldu um hvað eina sem þau verða áskynja í starfi og leynt skal fara.
4. Gæta þess að vanvirða ekki tilfinningar og tiltrú skjólstæðinga sinna.
5. Fara ekki í manngreinarálit og veita þeim kirkjulega þjónustu sem leita eftir henni.
6. Þekkja og virða takmörk sín og sækja sér faghandleiðslu og sálgæslu.
7. Misnota aldrei aðstöðu sína eða ógna velferð skjólstæðings, svo sem með óviðeigandi hegðun, orðfæri, viðmóti, kynferðislegri eða annars konar áreitni.
8. Minnast þess að mörk einstaklinga eru mismunandi, svo sem að snerting getur auðveldlega misskilist eða valdið óþægindum.
9. Stofna ekki til óviðeigandi sambands við skjólstæðing.
10. Leita eftir símenntun, fræðslu og uppbyggingu í trú og kristnu samfélagi.
11. Sýna ábyrgð og trúmennsku í meðferð fjármuna.
12. Gæta hófs í umgengni við áfengi og vera öðrum fyrirmynd í þeim efnum. Í skipulögðu æskulýðsstarfi og í ferðum með börnum og ungmennum er óheimilt að neyta áfengis og annarra vímuefna.
13. Sýna ábyrg rafræn samskipti og netnotkun.
14. Vera ávallt upplýst um lög og reglur sem gilda um börn og unglinga og að skylt sé að tilkynna barnaverndaryfirvöldum ef ætla má að barn búi við óviðunandi aðstæður eða er þolandi ofbeldis.
15. Vera meðvitað um að þau hafi sterkari stöðu en barnið sem þau vinna með. Ekki má undir nokkrum kringumstæðum misnota aðstöðu sína.
16. Gæta varfærni og hlífðar í samskiptum við börn og skjólstæðinga í viðkvæmum aðstæðum.
17. Sýna árvekni gagnvart einelti, áreitni og annarri óviðeigandi hegðun.
18. Notfæra sér ekki vitneskju eða tengsl sem verða til á vettvangi þjónustunnar í ábata- eða hagsmunaskyni.
19. Gæta þess að eiga gott samstarf við samstarfsfólk og yfirmenn, stuðla að eindrægni og samhug og gæta virðingar í umtali.
20. Sýna jafnan trú og siðum annarra umburðarlyndi og forstöðumönnum og prestum annarra trúfélaga og kirkjudeilda virðingu.
21. Gæta þess að vera málefnaleg og gæta varkárni í ummælum um kenningarleg og guðfræðileg mál, hvort sem er í samræðum eða opinberlega.
Almenn ákvæði
■[Hver sá sem telur að vígður þjónn eða annar starfsmaður þjóðkirkjunnar hafi brotið framangreindar siðareglur getur leitað til fagráðs þjóðkirkjunnar um meðferð kynferðisbrota, biskups Íslands eða kært eftir atvikum.]1)
1) Kirkjuþing 2018, 16. mál (málsgreininni var áður breytt á kirkjuþingi 2013, 24. mál.).
□Miða skal við að þeir sem starfa með eða hafa umsjón með börnum og ungmennum í æskulýðsstarfi séu lögráða og hafi þjálfun, menntun, þekkingu eða reynslu til starfsins.
□Að 18 ára aldri er einstaklingur skilgreindur sem barn. Óheimilt er að ráða til starfa fólk til að sinna börnum og ungmennum í æskulýðsstarfi, einstaklinga sem hlotið hafa refsidóm vegna kynferðisbrots, skv. XXII. kafla almennra hegningarlaga nr. 19/1940 um kynferðisbrot.
Sama gildir um þá sem hlotið hafa refsidóm á síðastliðnum fimm árum fyrir brot gegn lögum um ávana- og fíkniefni. Þessi ofangreindu ákvæði ná einnig til sjálfboðaliða sem falin er
umsjón með börnum og ungmennum undir 18 ára aldri.
□Yfirmenn vígðra þjóna og starfsmanna þjóðkirkjunnar eiga rétt til upplýsinga úr sakaskrá um það hvort tiltekinn einstaklingur, sem sótt hefur um störf á þeirra vegum, hefur hlotið dóm vegna ofangreindra brota, að fengnu samþykki hans. Á það við bæði um starfsfólk sem starfar með börnum og unglingum svo og við önnur störf hjá sóknum og stofnunum kirkjunnar hvort sem um launuð eða ólaunuð störf er að ræða.
Aðrar heimildir
Lög um kirkjuítök og sölu þeirra nr. 13/1956
Konungsbréf (til biskups), er löggildir máldagabók Gísla biskups Jónssonar nr. 5/1749
Kristinréttur Árna biskups Þorlákssonar 1275
Reglugerðir og reglur ráðherra með á sviði kirkjumála, með síðari breytingum, eru aðgengilegar á vefnum stjornartidindi.is B - deild Flokkar: Kirkjumál